KV Vëllaznimi ne turneun nderkombetar ne Gallipoli te Italise

Ekipi i talenteve të KV Vëllaznimi nga Gjakova, në kategorinë U14, ka përfaqësuar me krenari qytetin dhe vendin tonë në turneun ndërkombëtar të mbajtur në Gallipoli, Itali, më 26-30 dhjetor. Ky turne prestigjioz mblodhi ekipe nga vende të ndryshme, duke ofruar një garë të fortë dhe emocionuese për të rinjtë.

Pavarësisht sfidave, përfshirë disa probleme shëndetësore me disa nga lojtarët gjatë turneut, vajzat tona treguan forcë, shpirt luftarak dhe pasion për volejbollin, duke arritur të zënë vendin e tretë. Ky është një sukses i jashtëzakonshëm për ekipin dhe një dëshmi e potencialit të madh që talentet e reja të Gjakovës posedojnë.

Rezultatet e ndeshjeve ishin mbresëlënëse :

KV Vëllaznimi vs Cutrifiano Volley: 2-0

KV Vëllaznimi vs Pallavolo Paola : 2-0

KV Vellaznimi vs Sannicola Volley: 2-0

KV Vellaznimi vs Melendugno: 2-0

KV Vellaznimi vs Altino Volley : 1-2

Në fund, ndonëse u rikthyem me vendin e tretë, ne e ndjejmë veten kampionë për shpirtin e garës dhe përfaqësimin dinjitoz të qytetit tonë në arenën ndërkombëtare. Përpara me Vëllaznimin – krenarine e Gjakovës!